Bulandet.

2. april. 2012

Bulandet er ein triveleg og vakker plass å besøke

Det er det vestlegaste levande fiskeværet i Norge.

Hekta saman med 6 bruer ligg øyane der som perler på ei snor.

ca. 300 holmar og skjær, små og store. Det bur folk på ca. 15 av dei.

Då vi bestemte oss for å reise ut over, var det ein klar og stille morgon i Stongfjorden.

På ferjeturen ut over forandra været seg til ei hagl og snøbyge som varte heilt til Bulandet.

Men det var nordavind, og når det då lettar blir det flott lys og nydelege fargar.

Det er kjekt å vandre rundt på kaia her å sjå på dei flotte fiskebåtane...

Var innom Jokerbutikken også.

Der hadde det vore full opp-pussing. Lyse og trivelege lokale, god plass mellom  reolane, godt vareutvalg og  flott orden i hyllene.

Ein koseleg prat med Kari Helen ( dagleg leder ) toppa det heile.

Ønsker lykke til med den "nye" butikken - vi kjem igjen...:-)

Måsen slåst med haglbygene ( det gjorde eg og kamera også )

 

Etter kvart letta det opp, og Fedøya var vårt mål for dagen.

Turen ut over her er fasinerende i all slag vær, men kjekt var det at sola kom fram igjen...

Alden i det fjerne.

Så er eg så langt ute som eg kan komme - på Klona...



Fantastisk skue å følge med på bølgene og havet...

 

Sandøya ligg rett fram, men for å komme dit må  ein i båt...

Sjølv om det var iskaldt i vinden, var det ein flott ettermiddag - timane gjekk fort...

 

Fyret på Sandøya.

 

Sola var på hell, og kasta lyset flott over dei kvite skumtoppane.

Vi hadde avtale om kaffi på Værlandet, så turen gjekk tilbake dit.

Til alle på Fedøya som vi også skulle ha besøkt - vi kjem snart igjen...:-))

Til doke som har vore med meg på denne vesle påsketuren her på bloggen - tusen takk for følge...:-))

Ha ei forsatt god påske !!



Askvoll - litt rundt omkring

Ein tåkefull dag.

Etter noen fine dager med sol av og til, kom tåka sigande og la seg som eit klamt teppe over fjell og fjord. Det var heldigvis lite nedbør, så eg benytta dagen til å gjødsle rododendroane mine.

Stongsvatnet var stille og tåka laga det nesten litt eventyraktigt...

På Askvoll var ferja i rute ...

...og Atløya såg vi nesten ikkje...

Men Prestøya låg der ute og såg innbydande ut.

Har aldri vore der ute...

Veit ikkje ka dette var for slag båt, eller ka den frakta..

Ein tur til Holmedal vart det også.
Her var tåka så tjukk at eg såg ikkje Bakkeneset.

Kyrkja i Holmedal

Tåke gjev ein rar følelse. Det er stille, samtidig som alle lyder blir forsterka.

Alt kjem nærmare på ein måte...

  

Det letta opp igjen denne gangen også, og sola får sleppe noen stråler over Stavfjorden før den igjen sig ned i skoddehavet... 

Ha ei fin Palmehelg :-)