Ein tur til
Veitastrond.
Veitastrond.
Ved enden av vatnet.
Først ei lita innledning kvifor denne turen vart til...:-)
Etter ei flott veke i Stongfjorden med besøk av Andrea og Håvard, reiste vi torsdag kveld til Hafslo og Lerum Cupp der mamma til barna venta på oss...
Andrea er ein ivrig og flink fotballspeler og såg fram til denne helga med store forventninger.
Desverre var det ikkje langt ut i første kampen før dagen brått tok ein ny vending...
Den unge dame vart takla på ein hard og røff måte (slik det er i fotballverden) og fekk store smerter i kneet. Ho vart henta på bana med båre, fekk kyndig legehjelp og påfølgende tur til Lærdal med sjukebil...
Håvard som ilag med sine besteforeldre skulle vere heiagjeng, forstod no at helga ikkje vart som forventa og vart skuffa...
Trur likevel at han sleit med eit ganske kraftig angrep av misunnelse :-) Det å få reise med sjukebil til Lærdal og attpå til ta ferje med sjukebil, det er ikkje daglidags hending....
Slik var det at vi plutseleg fekk god tid i Sogn og bestemte oss for å reise Veitastrond...
Her på starten av turen låg desse imponerende store steinane ute i vatnet
Det var ein overskya dag med litt regn i lufta, men det var stille og fint.
Vi hadde ikkje køyrt langt før vi forstod at her er det fordel med erfaring på smale vegar. Heldigvis var det liten trafikk, og dei som bur her inne visste kor utkøyringane var.
Forstår no at vi ofte høyrer på radio og tv at denne vegen er stengt.
Det var bratte og glatte fjellsider rett i vegen og fjorden, så bratt at eg gav opp å få eit godt nærbilde...:-)
Veitastrondvatnet
Her skimtar vi ein del av Jostedalsbreen
Det var ein god del hytter inn over, og eg trur gjerne at her er ein populær plass for fiske...
Eit og anna gardsbruk var det også.
Mange var ennå i drift, men det var også ein del fråflytta hus og gardar...
Her inne ved enden av vatnet flata terenget ut, og gardane vart fleire
For Håvard som hadde vore tankefull og lite interesert i historia om snøras og stengte vegar ( sjølv om han syntest synd i dei barna som hadde denne vegen som skuleveg ) vart denne doninga redninga. Dagen fekk innhold og han vart svært imponert over dette køyretøyet, luftputebåten som kunne gå både på is og vatn :-)
Det var fint her inne, flotte hus og velstelt...
Ein fin plass og vere turist !
Inne i dalbotn var det store og flotte gardar med flate og fine marker.
Bygda er omkransa av Jostedalsbreen nasjonalpark på tre sider.
Vi køyrde innover så langt vegen gjekk, men ennå var det bomveg på ca 15 km til Tungestølen som ligg opp under Austerdalsbreen
Den turen blir ein annen gang...
Mykje fin bebyggelse med både gamle og nye hus.
Her er hus både med og uten folk - slik det er i alle bygder...
Eit artigt bygg - legg merke til eine arka :-)
Fotolyset var ikkje det beste denne dagen, men slik er det ofte når ein er på tur - vi får ta det slik det er ..:-)
Så er vi tilbake der vi starta, og ein fin tur var det
Når vi i tillegg fekk melding frå sjukehuset om at det var ingen brudd eller store skader, vart det ein kjekk dag.
Andrea kom tilbake til Hafslo med krykker. Det vart ingen fotballspeling, men du for eit midtpunkt ho vart....
Ikkje så gale at det ikkje er godt for noke :-))
I dag høyrer vi rykter om at tilstanden bedrer seg raskt, men Håvard meiner han heller ikkje er heilt bra i føttene...:-)
Han meiner krykker er til for å gå i arv, og ser føre seg ei veke på krykker og ekstra omsorg og pleie.
Tur med sjukebil blir det neppe...
Hyggeleg at de tok turen ilag med sss...
Ha ein fin lørdagskveld!
Har mange flotte bilder fra Kroatia også som snart blir blogg...
...sjå gjerne snart innom igjen...
